Łódź, qyteti ku takon të shkuarën dhe modernen


©Avillfoto/Shutterstock

Bota është në kohë krize, po ndërkohë nuk do na bënte keq të ëndërronim pak. Prandaj unë po vazhdoj me blogs të mia modestë të udhëtimeve në qytetin e radhës në Poloni: Lodz. Nëse jeni në Varshavë mos e humbisni si mundësi për ta vizituar sepse është vetëm 2h larg me tren. 

Unë kalova 5 ditë duke qenë se vizitova disa shoqe, por 3 ditë janë mëse të mjaftueshme për të parë atraksionet kryesore të qytetit. Dy gjëra nuk do i harroni : energjinë e jetës së natës dhe detajet e lezetshme të vendeve që do shihni. 

Me siguri vendi i parë ku një guidë do ju çonte është Manufaktura. Dikur një fabrikë tekstileje (që është industria për të cilën historikisht njihet si qytet), sot është qendra më e madhe komerciale e rrethuar nga sheshi kryesor për evente apo festa. Struktura me tullë më pëlqeu shumë, karakteristikë e arkitekturës gotike të këtyre vendeve të rajonit pas shfaqjes së tullave të kuqe në shekullin e 12-të. Dhe gjithashtu keni goxha mundësi blerjesh.

Pasaz Rozy mban një mban një vend të veçantë në kujtesë, sidomos pasi zbulova që nuk ishte thjesht një gjë e bukur e rastësishme por fshihej një histori. Bëhet fjalë për një ndërtesë të përbërë nga copëza të vogla pasqyre, që pasqyrojnë dritën në mënyrë që rrugica brenda të jetë e ndriçuar. E gjitha është krijuar nga artistja Joanna Rajkowska, inspiruar nga rrugëtimi i vajzës së saj Roza, e cila vetëm kur ishte disa muajshe, u diagnostikua me retinoblastomë, një formë të rrallë të kancerit të syrit. 

Katedralja Alexander Nevsky është një kishë shumë e lezetshme ortodokse, që me shumë mundësi do e vini re për shkak të arkitekturës së saj neo-bizantine (po, unë dhe arkitektura e ndërtesave nuk ju ndahemi). Adhurova ngjyrat që e bëjnë të dallojë nga shumica e strukturave të tjera neutrale. Fakti që është kishë nuk do të thotë që duhet të jetë boring apo jo? 

Dhe një ndër muzetë e mi të preferuar është dhe ai i artit kontemporan dhe modern në Lodz. Ka 3 degë kështu që është njësoj si të vizitoni 3 muze dhe ju siguroj që do kënaqeni shume. Do gjeni gjithcka nga jeta moderne e shekullit të 20-21, që nga arti abstrakt, fragmente filmi disturbing, histori të përditshme dashurie, art feminist apo dhe shprehje për Instagram. Një pasqyrë e plotë e botës moderne.
 

Dhe në fund, por askush nuk e harron: rruga Piotrkowska. Është një nga rrugët më të gjata komerciale në Europe dhe kur them e gjatë e kam fjalën për 4.2 km. Të gjitha restorantet dhe baret kryesore janë aty, kështu që ju mbetet vetëm të zgjidhni. Mos harroni të provoni krepërinë "Manekin", mundësisht që ditën e parë. 


Dhe siç jua përmenda, jeta e natës është super cool. Nëse nuk ju ngjit muzika polake si mua, keni mundësi zgjedhjeje që nga muzika komerciale anglisht, muzika reggateon apo house/techno. Ndoshta një herë tjetër do hymë dhe në "Historitë e një vajze që i pëlqejnë partyt", që në fakt përfundojnë më mësimë të vlefshme për jetën, por kryesori që duhet të dini kur jeni kudo në Poloni: mos bëni shaka me Soplicën. 

Nëse ndonjëherë vendosni që kur t'i hipni sërish avionit të jetë për në Poloni, jam vetëm një mesazh larg për sugjerime më të detajuara. Hugs and dream big. ❤️
 
                                                                                                              

0 comments:

Post a Comment